Italia është vendi që ka më shumë viktima në botë si pasojë e koronavirusit.
Ndërkohë, një nga shtetet që i ka ofruar ndihmë Italisë ka qenë Rusia.
Kjo e fundit, ka dërguar 9 avionë rusë specialë të modelit IL-76 me materiale shëndetësore kryesisht të nevojës së parë, maska sanitare, doreza, respiratorë, xhel dezinfektues.
Gjithashtu qeveria ruse do të sjellë dhe 8 ekipe mjekësore me mjekë ushtarakë për të ndihmuar emergjencën sanitare në Itali.
Avionët rusë do të sjellin dhe aparatura speciale për dezinfektim të ambienteve si dhe instrumente mjekësore të kërkuar nga autoritetet italiane.
Ndihma ruse erdhi pas një telefonate që kryeministri italian Giuseppe Conte zhvilloi me Presidentin rus Vladimir Putin.
