Ish-kryetari i PD-së, Lulzim Basha, ka mohuar se forca politike të cilën ai drejtonte në 2017, të ketë marrë financime të huaja me burime ruse. Reagimi i Bashës në Twitter vjen pas publikimit të një raporti sekret amerikan, ku një zyrtar përmendte se PD-ja ka përfituar rreth 500 mijë dollarë financim nga Rusia. Ai shkruan se diçka e tillë nuk ka ndodhur, teksa gjithmonë PD-ja ka qenë e hapur për partneritetin dhe bashkëpunimin me SHBA-në.
Reagimi nga Basha
Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë..
…çdo pretendim për financime të huaja. Ne jemi krenarë për partneritetin e palëkundur me aleatin tonë strategjik, SHBA dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e plotë të Shqipërisë në BE.
2/2 …çdo pretendim për financime të huaja. Ne jemi krenarë për partneritetin e palëkundur me aleatin tonë strategjik, SHBA dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e plotë të Shqipërisë në BE.
— Lulzim Basha (@lulzimbasha_al) September 14, 2022
