Nga Prof. Kristo Muzaka/Situata gjeopolitike në Ballkan dhe në Rajon duket se ka ndryshuar pas vendimit të SHBA për prishjen e marrëveshjes me Iranin për programet bërthamore.
Kriza ekonomike dhe dobësitë në arenën diplomatike duket se po I afron akoma më shumë Rusinë dhe Iranin që kanë gjetur mbështetjen e liderëve respektive me të vetmin qëllim atë të rritjes së ndikimit ruso-iranian në Shqipëri dhe vendet e Ballkanit.
Irani ka shfaqur gjithmonë interes për Shqipërinë të cilën e konsideron si pikë strategjike ku duhet të ketë influencë.
Në sajë të presionit të NATO-s , BE-së dhe pozicionimit pro Euroatlantik të vendeve të Ballkanit Perëndimor, ndikimi Iranian në Shqipëri është ulur shumë por përsëri rreziku mbetet kur në lojë futet edhe dhelpra e vjetër Rusia.
Në Teheran janë të shqetësuar për bashkëpunimin e Shqipërisë me vendet e BE-së dhe anëtarë të NATO-s dhe ky presion I ka shtyrë emisarët e Liderit Suprem të gjejnë mbështetjen e Rusisë.
A përbëjnë shoqatat, fondacionet një kërcënim serioz për Shqipërinë dhe vendet e Ballkanit?
Në fund të muajit Maj rezulton se ambasadorët rus dhe Iranian në Tiranë janë takuar në fshehtësi dhe supozohet se kanë premtuar rritjen e bashkëpunimit ndërmjet dy vendeve kjo edhe në bazë të direktivave të dhëna nga Presidenti Putin pas rizgjedhjes së tij.
Nga një analizë e ekspertëve gjeopolitik Irani prej vitesh ndjek modelin rus për rritjen e ndikimit në Shqipëri, Maqedoni, Kosovë dhe vendet e tjera të Ballkanit dhe më konkretisht:
Përdorimi i shoqatave të Miqësisë Shqipëri Iran e cila u krijua nga ish ambasadori Iranian Alibeman Eghbali Zarch;
Shfrytëzimi i Fondacioneve fetare si Kurani, Kolegji Saadi që nuk janë gjë tjetër por entitete të ngjashme me shoqatat pro ruse në Shqipëri;
Në Kosovë janë financuar hapja e Fondacioneve Fetare dhe Kulturore Iraniane me mbështetjen e diplomatëve Iranian të Tiranës dhe Shkupit ku ndër të tjera OJF-Koran-Prizreni; OJQ Ehli Bejti që prodhon propagandë gjoja fetare por të orkestruar nga punonjësit e MOIS dhe në veçanti të IRGC- emisarët shpirtëror të Liderit Suprem Iranian.
Përdorimi i mediave të huaja dhe vendase për propagandë të pastër me material të përgatitura nga Tehrani ose me urdhër të punonjësve të ambasadave në Tiranë, Shkup e Prishtinë.
Rreziku sipas ekspertëve vjen pikërisht nga financimet e dyshimta dhe kontrolli i aktiviteteve fetare dhe kulturore të OJF dhe shoqatave nga punonjës të MOIS dhe të IRGC në Tiranë e Shkup.
Infiltrimi i agjentëve Iranian në organizata, fondacione në Shqipëri, Maqedoni, Kosovë e Mal të Zi është i njëjti model i infiltrimit i ndjekur nga agjentët e kamufluar rus cka konfirmon se këto dy vende kanë rritur nivelin e bashkëpunimit.
Nga Tehrani media prestigjioze theksojnë faktin se Lideri Suprem ka urdhëruar shtimin e numrit të diplomatëve në ambasadën iraniane në Tiranë dhe ka firmosur rishikimin e buxhetit për vitin 2018 dhe kjo interpretohet si rritje e operacioneve “sekrete” të agjentëve të MOIS e IRGC në Shqipëri e Ballkan.
NATO dhe BE janë të vetëdijshëm për rrezikun që paraqesin këto dy forca të errëta për destabilizimin e Ballkanit por edhe të Rajonit dhe po i kushtojnë vëmendjen e duhur.
Gjithsesi bashkëpunimi Iraniano-rus dhe aktiviteti i shërbimeve sekrete iraniane dhe ruse në vendin tonë dhe Ballkan mbetet kërcënimi kryesor drejt rrugës së BE-së./Faktor.al
