Kompania Federale Ruse “Avialesohrana”, ka njoftuar se do të vazhdojnë me aksione të inxhinierisë klimatike, për të luftuar zjarret në Siberi.
Kjo do të thotë që inxhinierët do të nxisin reshje artificiale me avionë të modifikuar për përhapjen e jodurit të argjendit që do të ndihmojnë në përpjekjet për të shuar zjarret në këtë rajon.
“Sot, një aeroplan zbulues ‘Antonov An-26’ u ngrit nga Irkutsku dhe u nis për në veri të vendit, ku janë raportuar kushte të përshtatshme për shirat artificiale, të cilat mund të ndihmojë në luftimin e zjarreve në zonë’, deklaron kompania “Avialesohrana”.
Sipas mediave të huaja, provat e para për të nxitur këto reshje do të bëhen në rajonin e Irkutskut dhe në territorin e Krasnojarskut.
