Rusia ka filluar vaksinimin e kafshëve kundër koronavirusit. Në mars, autoritetet ruse njoftuan se kishte regjistruar atë që tha se ishte vaksina e parë në botë për kafshët.
Disa rajone tani kanë filluar vaksinimet në klinikat veterinare, ndërkohë që për dozat është shfaqur interes edhe nga vendet e BE, Argjentina, Koreja e Jugut dhe Japonia, shkruan BBC.
Ndërkohë shkencëtarët thonë se aktualisht nuk ka prova që kafshët luajnë një rol të rëndësishëm në përhapjen e sëmundjes tek njerëzit, infeksionet janë konfirmuar në specie të ndryshme në të gjithë botën.
Periudha e imunitetit pas një goditjeje Carnivak-Cov vlerësohet gjashtë muaj, por një tjetër vaksinë po zhvillohet nga kompania veterinare farmaceutike Zoetis.
Vende të shumta kanë raportuar infektime tek kafshët. Përhapja më e madhe ndodhi në Danimarkë tek lundërzat. Po ashtu ekzistojnë gjithashtu disa prova që virusi ka kaluar nga njerëzit tek kafshët në një formë të mutuar.