Gjatë mesditës, deputetja demokrate Rudina Hajdari ishte e pranishme në zonën e ‘Bregut të Lumit’, në banesat të cilat po shemben për t’i hapur rrugë ndërtimit të Bulevardit të Ri. Ajo u takua me banorët e ‘Bregut të Lumit’, banesat e të cilave janë prishur pasi preken nga projekti për zgjatimin e Bulevardit të Ri. Gjatë takimit që pati me banorët, Hajdari tha se kjo çështje duhet të çohet deri në Gjykatën e Strasburgut. Po kështu, deputetja e PD-së nuk la pas edhe policinë, duke e cilësuar veprimin nga ana e tyre si barbar.
“Ju nuk keni faj. Ne duhet të gjejmë një mënyrë që këtë çështje ta çojmë deri në Gjykatën e Strasburgut. Do ta çojmë në Gjykatën e Tiranës, Gjykatën e Apelit dhe jam e sigurt që do fitoni.
Unë e di që ju nuk keni forcë tani, por duhet pak gjakftohtësi, që kjo mos i ndodhë më familjeve të tjera.
Kjo nuk është hera e parë që policia shemb banesat në këtë mënyrë barbare. Duhet të gjejmë mënyrën për ta zgjidhur”.
