E mërkurë, 16 Qershor, 2021
16.5 C
Tirana

I kërkoi prova Biberajt, Manjani-Ramës: Ja ku i ke, qeveri autokratike

Mëngjesin e sotëm në zonën e Bregut të Lumit ka pasur tensione mes banorëve dhe policisë. Forcat blu kanë nisur aksionin për prishjen e banesave për zgjatimin e Bulevardit të Ri. Ndërkohë qytetarët kanë kundërshtuar këtë aksion duke shkaktuar përplasje mes tyre, por duket se kjo nuk i ka ndalur efektivët të vazhdojnë aksionin.

Një reagim për këtë konfrontim ka ardhur edhe nga ish-ministri i Drejtësisë, Ylli Manjani, i cili shprehet me tone kritike ndaj mënyrës se si po procedohet për këtë ngjarje.

“Burri që i mungon shtetit”, e nis shkrimin e tij ish-ministri i Drejtësisë , Ylli Manjani.

Reagimi i Manjanit vjen në një forme replike ndaj kryeministrit Rama, pasi ky i fundit i kërkoi Elez Biberajt, drejtorit për Euroazinë në “Zërin e Amerikës”, prova për akuzat e ngritura ndaj tij.

Sipas Manjanit provat që po kërkon kryeministri i ka te Bulevardi e Ri.

“Kjo është një provë që tregon se kemi një qeveri autokratike që po injoron në mënyrë të papërgjegjshme ligjin”, shprehet Manjani.

Ndërkohë, “vendimet për qëllime private dhe pa transparencë janë prova të një arrogance”, shkruan ndër të tjera ish-ministri.

“Kur individualizohet pushteti, sigurisht që kritikat dhe dyshimet shkojnë drejt individit. Kjo është e logjikshme, jo e qëllimshme. Me gjithë bindjen e thellë që kam se çakejtë rreth e rrotull bëjnë namin, prapë përgjegjësia shkon natyrshëm tek individi që drejton e flet në vetën e parë”, deklaroi ai.

Manjani i bën thirrje institucioneve shtetërore të mbajnë përgjegjësi dhe të sqarojnë qytetarët për çdo dyshim: “Shteti, institucionet e tij, nga ana tjetër duhet të sqarojnë dyshimet e çdo shkelje ligji, çdo abuzimi dhe çdo sjellje brutale”.

Reagimi i plotë i Manjanit:

Burri që i mungon shtetit.

—————-

Dje i kërkonte prova Elez Biberajt.

Ja ku i ka, te Bregu i Lumit! Një mosmarrëveshje që duhet ta zgjidhte gjykata e zgjidh Qeveria me policë!!!

Policia qartësisht nën urdhra politike arreston njerëz natën në shtëpitë e tyre. Krejt pa ligj!!!

Dhe jo vetëm mbrëmë por shumë herë të tjera. Natën në shtëpi, me maska e skafandra, pa vendim gjykate në shkelje të plotë të Kushtetutës e ligjeve, policia e (pu)shtetit të sotëm u shkon qytetarëve e i arreston.

Le pastaj telendisja publike që bëjnë me njoftimet për shtyp. Nga njoftimet e tyre e kupton qartë që s’kanë asnjë lidhje me ligjin. “Policia procedon penalisht…” ose “ policia po heton krimin…” janë shprehje që nuk ka asnjë ligj që i justifikon!

Lexo edhe :   Dorëheqja e Ruçit, ja kur e lajmëroi Ramën e Ballën për vendimin

Kjo është prova e një qeverie AUTOKRATIKE, krejt e papërgjegjshme dhe në injorim të plotë të ligjeve të shtetit. Në shtetin ku policia bën ligjin dhe gjyqin, sundon diktati!

Ndërsa vendimet për prishje shtëpish apo ndërtesash e mjedisesh publike për t’u përdorur për qëllime private, të cilat merren pa proces, pa debat e pa transparencë janë prova e ARROGANCËS! Njëkohësisht edhe dyshim i arsyeshëm i korrupsionit.

Këtë të fundit, jam dakord që kur individualizohet duhet ta provojë dikush. Në kushte normale duhet të ishte Prokuroria, por….

Lexo edhe :   Dorëheqja e Ruçit, ja kur e lajmëroi Ramën e Ballën për vendimin

Nga ana tjetër, bie fjala, konkluzioni krejt personal i Kryeministrit se “godina e Teatrit Kombëtar nuk ka asnjë vlerë”, pa dyshim që gjykohet nga publiku si sjellje arrogante e Edi Ramës. Kjo sepse ai nuk është as kryearkitekt, as Institut Monumentesh, as Akademi Shkencash, as Bordi i Trashëgimisë kulturore e as Ministër Kulture. Gjykon thjesht si individ, por në dallim nga individët e tjerë me fuqi vendimmarrëse.

Ndaj nuk ka kuptim të gjykohet e kritikohet askush tjetër përveç Edi Ramës. Sepse konkluzioni dhe vendimet përkatëse janë të Tij.

Kur individualizohet pushteti, sigurisht që kritikat dhe dyshimet shkojnë drejt individit. Kjo është e logjikshme, jo e qëllimshme. Megjithë bindjen e thellë që kam se çakejtë rreth e rrotull bëjnë namin, prapë përgjegjësia shkon natyrshëm tek individi që drejton e flet në vetën e parë.

Shteti, institucionet e tij, nga ana tjetër duhet të sqarojnë dyshimet e çdo shkelje ligji, çdo abuzimi dhe çdo sjellje brutale.

Kur shteti nuk e sqaron dyshimin, perceptimi publik mbi të (dyshimin) është krejt legjitim. Këtë perceptim s’ka gjykatë që e korrekton më…

Ndaj burrat e shtetit dhe politikanët e përgjegjshëm përpiqen gjithnjë të qeverisin mirë që të trajtojnë perceptimin dhe jo t’u përgjigjen gazetarëve apo kritikëve.

Nuk kam dëgjuar deri më sot ndonjë burrë shteti të merret vetë apo të hedhë në gjyq ata që e kritikojnë.

- Reklama -

Më shumë nga kategoria




Të fundit

Autogol, gola të anuluar dhe shtyllë, Franca ”gjunjëzon” Gjermaninë në Mynih

Përfundon supersfida e grupit F mes Francës dhe Gjermanisë. Gjermania e Lëv tronditet që në fillim të kampionatit europian. Skuadra e Didier Deshamps kaloi...

Pekini akuzon NATO-n për ekzagjerim të kërcënimit nga Kina

Kina ka akuzuar NATO-n se është duke shpifur për zhvillimin e saj paqësor, pasi liderët e aleancës kanë paralajmëruar për “sfida sistematike” që vijnë...

Biden shpall planin e parë kombëtar për të luftuar terrorizmin e brendshëm

Presidenti amerikan Joe Biden shpalli atë që ai e quajti plani i parë kombëtar për të luftuar terrorizmin e brendshëm. Në një deklaratë të martën,...

A mundet Basha të përjashtojë Berishën? Ja si përgjigjet Nishani

Kryetari i Këshillit Kombëtar të Partisë Demokratike, Bujar Nishani deklaroi se kryetari i zgjedhur Lulzim Basha, nuk mund ta përjashtojë Sali Berishën nga grupi...

RENEA kontrolle në terren, vë me shpatulla pas murit disa persona në lokal

Forcat RENEA dhe FNSH kanë dalë sërish në terren mbrëmjen e sotme, në kuadër të aksionit për kapjen e personave të shpallur në kërkim,...