Kryetarja e grupit parlamentar të PD-së, Rudina Hajdari ka replikuar me kryeministrin Rama. Duke iu referuar fjalës së këtij të fundit lidhur me votimin në parlamentin holandez për rikthimin e vizave, Hajdari tha se nuk ndan të njëjtin mendim dhe se ky votim është mjaft shqetësues.
Më tej, deputetja Hajdari i ka kërkuar kryeministrit të vendit që të ndryshohet sistemi zgjedhor duke kaluar tek ai proporcional me listat e hapura.
Pjesë nga fjala e Rudina Hajdarit:
Rama e ka karakteristikë që flet vetëm gjatë dhe nuk na jep shumë mundësinë të flasim, por mendoj se duke folur pak e saktë do bëja një replikë të duhur për një shqetësim që shtroi për vendimin e parlamentit holandez.
Dëgjo, e shikoj këtë si një vendim shqetësues, kurse Rama ia hedh përgjegjësinë opozitës jashtë kuvendit se ajo e ka fajin, pra gjen alibinë apo kundërshtarin për të hedhur përgjegjësive për gjithë gabimet mospërmbushjeve të kritereve të qeverisë.
Ky vendim mund të ketë ardhur nga parti të djathta ekstreme, por ai u miratua nga 102 deputetë të parlamentit dhe kjo është shifër shumë e madhe dhe opozita jashtë kuvendit nuk ka forcë të bindë 102 deputetët atje.
Unë dhe grupi kemi një kërkesë, duam te ndryshojmë sistemin, ju nuk jeni dakord dhe unë e kuptoj hallin tuaj, por rekomandimet e OSBE/ODIHR kane qene pjesërisht te plotësuar dhe jo plotësisht ka hapësira aty për përmirësime.
Fundin e reformës ta kurorëzojmë me ndryshimin e sistemit, duam diskutim te hapur publik me gjithë aktoret e tjera, unë dhe grupi i PD është dakord qe te shqyrtojmë si sistemin mazhoritar te pastër duke kaluar tek ai proporcional me listat e hapura.
