Kryetarja e Grupit të Demokratëve, Rudina Hajdari, mjaft e revoltuar me vendimin e marrë nga ana e Presidentit Ilir Meta për zgjedhjet, i është kthyer me ashpërsi, duke i kujtuar shqiptarëve se ata duhet të marrin në dorë fatet e tyre.
Teksa parashtroi disa pyetje, kjo me theks të veçantë edhe në marrjen e vendimit të opozitës së bashkuar për djegien e mandateve, Rudina Hajdari tha se nuk ia vlejti barra qiranë për këtë akt të ndërmarrë. Sipas saj, klasa politike bën çfarë dëshiron, e ndërsa aktorët politikë tallen me qytetarët, duke i nëpërkëmbur.
“Jemi lodhur. E di çfarë mund të ndodhë të dashur qytetarë? Në të mirën e rasteve, do kemi vetëm me një muaj. Muajin tjetër do kemi zgjedhje. A ja vlejti barra qiranë, që opozita të digjte mandatin?
Që ne të kërkonim reformën në drejtësi? Absolutisht jo! Po pse bëhet kjo, të vazhdojnë akoma më shumë, me të njëjtët aktorë. Kaq mund të them se çfarë bëjnë politikanët në Shqipëri. Është koha që ne të largohemi nga këta njerëz”, përfundoi fjalën ajo.
Rudina Hajdari ngriti disa pyetje për Presidentin Meta, duke thënë se ky i fundit është konflikt interesi, pasi bashkëshortja e tij, Monika Kryemadhi është kryetare e partisë së opozitës.
