Shumë hyrje të reja pritet të ketë gjatë sezonit të ri, në kastin e aktorëve të “Klanifornia”.
Pas rikthimit të shumëpritur të aktores Cubi, personazhi i radhës që është zbuluar është Rudina Dembacaj.
Lajmin e ka bërë të ditur autori i programit, Turjan Hysko, me një tjetër instastory me përshkrimin “Pse vetëm Rama të ketë shumë femra në staf!”, duke prezantuar kështu dhe hyrjen e re.
Ajo do të jetë krah tre aktoreve të tjera, Eliona Pitarkës, Delinda Dishës dhe Esmaralda Metkajt, njohur ndryshe si “Cubi”.
Javët e fundit, Rudina është përfolur shumë për jetën e saj private, duke nisur nga një shtatzëni e mundshme, tek planet për martesë me Mark Frrokun.
Ditën e djeshme ajo ishte e ftuar në emisionin “Ftesë në 5”, për të zbuluar se si qëndron e vërteta për thashethemet që qarkullojnë lart e poshtë. Rudina tha se nuk është në pritje të ëmbël, dhe duket se nuk ka në plan të afërt këtë gjë.
