E hënë, 24 Janar, 2022
3.5 C
Tirana

Mali i Zi në situatë të vështirë

Ceremonia e shugurimit të kreut të Kishës Ortodokse Serbe, metropolitit Joanikije në Cetinje në Mal të Zi,e cila u shoqërua me trazira të shumta nxorri në pah edhe njëherë ndasitë që ekzistojnë në shoqërinë malazeze ndërmjet përkrahësve të Kishës Ortodokse Serbe dhe asaj të Malit të Zi, por edhe përplasjet mes udhëheqësve shtetërorë. Situata aktualisht është më e qetë në kryeqendrën historike të Malit të Zi, Cetinje, por zhvillimet e fundjavës vazhdojnë të mbeten në qendër të vemendjes dhe të komentohen nga politika dhe analistët. Komuniteti ndërkombëtar ka bërë thirrje ndërkohë për zbutjen e tensioneve.

Montenegro | Protest gegen die Amteinführung eines neuen serbisch-orthodoxen Bischofs

Për qeverinë malezez aksioni ishte i suksesshëm

Kryeministri i Malit të Zi, Zdravko Krivokapiqnë një konferencë me gazetarë tha se ,,ngjarjet në Cetinje  treguan se Mali i Zi gjendet në një situatë komplekse dhe delikate. Qëllimi i asaj çfarë ndodhi ishte destabilizimi i vendit, nxitja e trazirave dhe kaosit”. Sipas tij falë aksionit të vendosur të drejtorisë së policisë dhe bashkëpunimit me ushtrinë çdo gjë përfundoi me sukses. Zëvendëskryeministri, Dritan Abazoviq i angazhuar në sektorin e sigurisë uroi përfaqësuesit e Ministrisë së Punëve të Brendshme dhe drejtorinë e policisë për rezultatet e arritura në aksionin e ndërlikuar me qëllim të ruajtjes së paqes dhe të drejtave kushtetuese të qytetarëve. Ndërsa Fronti Demokratik i ka bërë thirrje kryeministrit që të shkarkojë këta zyrtarë të lartë, për të cilët thotë se kanë refuzuar që të zbatojnë vendimet e qeverisë. Një hap i tillë do të thellonte edhe më tej ndasitë në radhët e partnerëve të koalicionit qeverisës. Nga ana e tyre deputetët e Partisë Demokratike të Socialistëve të Presidentit, Milo Gjukanoviç kanë kërkuar interpelancë në Këshillin e Mbrojtjes dhe Sigurisë, me pjesëmarrje të krerëve shtetërorë dhe ministrave të dikastereve përkatës. Sipas tyre duhen përgjigje për përdorimin e gazit lotsjellës, shok-bombave dhe fishekëve që janë përdorur kundër qytetarëve, të cilët kanë protestuar paqësisht.

Montenegro | Protest gegen die Amteinführung eines neuen serbisch-orthodoxen Bischofs

Askush nuk ka fituar

Askush nuk ka fituar nga trazirat e fundit në Malin e Zi, thonë analistët politikë. Sipas Zlatko Vujoviq, kanë humbur qytetarët e Malit të Zi, sepse ndasitë janë thelluar dhe ne si qytetarë duhet te vazhdojmë të jetojmë pavarësisht nga  ndasitë fetare dhe kombëtare e këto ndasi do t’i sjellin dëme paqes, harmonisë dhe qetësisë në të cilën qytetarët e Malit të Zi jetojnë. “Mendoj se çdo gjë mund të shmangej me mosmbajtjen e shugurimit. Këtë e them kur kemi parasysh se në Cetinje nuk ka besimtarë që e përkrahin Kishën Serbe Ortodokse, e kjo ka mundur të mbahet në Podgoricë”.

Montenegro | Amteinführung eines neuen serbisch-orthodoxen Bischofs

Edhe drejtoresha e Qendrës për Edukimin Qytetar, Daliborka Ulareviq duke komentuar ngjarjet që përcollën shugurimin e Joanikijes në Cetinje, thotë se shteti është duke humbur, ndërkaq ndarjet ekzistuese në shoqërinë malazeze janë të thella dhe të dhimshme.

Ajo vlerëson se kjo ngjarje tregoi se politikanët malazezë nuk i japin përparësi interesit publik dhe kjo është arsyeja përse shoqëria dhe shteti janë duke humbur. Humbje politike pësuan të gjithë aktorët politikë, disa me shumë e disa më pak përfshirë këtu dhe vetë Kishën Ortodokse Serbe, thkeson Ulareviq. /DW

- Reklama -

Më shumë nga kategoria




Të fundit

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...