Aksidentet e shumta të raportuara si dhe nisma e policisë për ta shpallur 2020 si vitin e sigurisë rrugore, ka gjetur patrullat rrugore në gatishmëri të plotë.
Policia vijon aksionin e përditshëm për ndalimin e shkeljeve të qarkullit rrugor. Vetëm gjatë kësaj jave mësohet se janë prangosur 37 drejtues mjetesh. Kryesisht, shkeljet janë shpejtësi mbi normat e lejuara, mos respektimi i rregullave të qarkullimit rrugor, ose lëvizja në gjendje të dehur.
Policia e Shtetit ka publikuar edhe një video, ku tregohet disa prej arrestimeve të kryera, duke shpresuar dhe kërkuar ndërgjegjësimin e drejtuesve të mjeteve.
Njoftimi i policisë:
Janë arrestuar 37 drejtues mjetesh dhe motomjetesh, nga të cilët 19 në gjendje të dehur, 16 të papajisur me leje drejtimi, si dhe 2 drejtues mjetesh për “Korrupsion aktiv ndaj personave që ushtrojnë funksione publike”.
Janë pezulluar 157 leje drejtimi, nga të cilat 53 për drejtim mjeti nën efektin e alkoolit, 70 për shpejtësi mbi normat e lejuara, si dhe 34 për shkelje të tjera të rregullave të qarkullimit rrugor.
Janë proceduar administrativisht 158 drejtues motomjetesh, për mospërdorim të kaskës mbrojtëse.
Janë proceduar administrativisht 78 drejtues mjetesh, për shkelje semafori.
Janë proceduar administrativisht 213 drejtues mjetesh, për përdorim të aparatit celular gjatë drejtimit të mjeteve.
Janë proceduar administrativisht 115 drejtues mjetesh, për mosdhënie përparësie ndaj këmbësorëve.
Janë proceduar administrativisht 2292 mjete, për pushim dhe qëndrim të gabuar.
https://www.facebook.com/1502420603377639/videos/179842373329051/
