Aktualisht në shërbimin Infektiv po trajtohen 82 pacientë, 10 prej tyre janë në terapi intensive ndërsa 1 është i intubuar. Gjatë 24 orëve të fundit janë konfirmuar 33 raste pozitive. Në përditësimin e radhës, Ministria e Shëndetësisë njoftoi se gjatë javës që lamë pas, kemi patur një trend të rritur të rasteve të konfirmuara pozitiv, por edhe humbje jete.
Për rrjedhojë, rritja e numrit të të infektuarve me COVID-19 mund të sjellë edhe hapjen e një spitali të dytë COVID. Komiteti i Ekspertëve po shqyrton mundësinë për hapjen e një spitali të dytë COVID, pasi numri i të infektuarve është rritur ndjeshëm javët e fundit. Ekspertët kanë propozuar që ish-kirurgjia në QSUT, të kthehet në një spital COVID, por ende nuk është marrë një vendim.
“Mund të hapet një spital i dytë. Po shihet si mundësi. Spitali COVID2 mund të jetë ish-kirurgjia në QSUT”, thanë burime nga ministria për “Dosja.al”.
Ministria e Shëndetësisë i drejtohet qytetarëve që të tregojnë kujdes në ambientet e punës, aty ku ofrohen shërbime dhe në çdo ambient publik, për të respektuar masat e higjienës dhe distancës fizike. Po kështu që të shmangni kontaktet dhe të vendosni maskat kur nuk është e mundur të ruhet distanca.
