Pas ankesave të shumta për ezaurimin e kapaciteteve në spitalet Covid, qeveria duket se po bën lëvizjen e radhës. Burime bëjnë me dije se sot do të hapet pavioni i tretë i spitalit Covid 3, ndërsa javën e ardhshme pritet të hapet Covid 4, por ende nuk është konfirmuar nga burime zyrtare.
Edhe spitali COVID4 do të administrohet nga QSUT, ndërkohë që mësohet se do të ketë gjithsej 100 shtretër.
Vendimi vjen ndërkohë që numri i të infektuarve me korona.virus vazhdon të rritet nga dita në ditë, ndërsa shtretërit në spitalet përkatëse vijojnë të mbushen.
Ditën e djeshme bilanci i rasteve me COVID ishte i rëndë, ndërsa u identifikuan 737 raste të reja si dhe 13 persona humbën jetën.
