Greqia merr një tjetër vendim ekstrem për të parandaluar përhapjen e Covid-19.
Nga dita e hënë shkollat fillore dhe kopshtet do të jenë të mbyllura. Propozimi u dha në mbledhjen e Komisionit të shkencëtarëve, ndërsa nesër pritet që të bëhet njoftimi përmes ministrisë.
Në të njëjtën kohë, ekspertët sugjerojnë që shkollat e arsimit special të qëndrojnë të hapura, siç u bë në bllokimin e parë.
Qëllimi për mbylljen e shkollave në të gjithë Greqinë është ulja e lëvizshmërisë dhe ndalimi i valës së dytë të pandemisë së koronavirusit.
Mësuesit tashmë kanë informuar prindërit e nxënësve të tyre për regjistrimin e fëmijëve në platformat e-mësimit.
Greqia regjistroi sërish një bilanc negativ në 24 orët e fundit, ku u konfirmuan 38 viktima dhe 3,038 të infektuar.
Në total, vendi fqinj ka regjistruar 69.675 raste me Covid-19 teksa 997 është numri i përgjithshëm i viktimave.
