Vijon të rritet numri i rasteve me koronavirus në Gjermani.
Deri më tani raportohet për më shumë se 32 mijë raste infektimi, teksa numri i viktimave të shkaktuara ka shkuar në 159.
Sipas Institutit “Robert Koch”, Gjermania ndodhet ende në fillim të luftës kundër këtij virusi që i ka marrë jetën mijëra njerëzve në mbarë botën.
Në krahasim me vendet tjera, Gjermania ka një vdekshmëri të ulët nga ky virus, duke pasur parasysh numrin e madh të infektimeve.
Ekspertët nuk e dinë ende se cila është arsyeja pse shkalla e vdekshmërisë është kaq e ulët në Gjermani. Që nga verifikimi i rasteve të para, Gjermania ka kryer një numër të madh testesh, duke zbuluar edhe rastet më të lehta.
Këtë e tregon edhe fakti që vetëm 40% e të infektuarve kanë ethe. Mosha mesatare e të infektuarve është 45 vjeç, ndërsa mosha mesatare e viktimave është 81.
Gjermania mbetet një nga shtetet më të prekura nga koronavirusi në Evropë.
