Numri i të infektuarve me koronavirus në Kosovë është rritur duke shkuar në 13.
Informacionin e mësipërm e ka konfirmuar Ministri i Shëndetësisë, Arben Vitia i cili bëri me dije se:
“Bazuar në rezultatet e testimeve u konfirmuan edhe katër raste të reja pozitive me COVID-19. Të katër rastet janë nga fshati Stubëll i komunës së Vitisë, familjarë të ngushtë të pacientit të diagnostikuar pozitiv me COVID-19, me datën 13 mars. E gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë”.
Kujtojmë se rastet e para me koronavirus në Kosovë u konfirmuan të premten…të infektuarit janë nga Klina, Vitia, Malisheva dhe Podujeva.
Tre nga këto komuna tashmë janë në karantinë, ndërsa qeveria e Kosovës shpalli ditën e djeshme gjendjen e emergjencës së shëndetit publik.
