Ka shkuar në 12 numri i personave të infektuar me koronavirus në qytetin e Korçës.
Dyshohet se është infektuar një mjeke e spitalit të Korçës, e cila është vetëizoluar në banesën e saj.
Mësohet se ajo ka paraqitur simptoma të ngjashme me Covid-19 si temperaturë dhe kollë, por gjendja e saj paraqitet e stabilizuar.
Ndërkohë ajo i është nënshtruar analizave, rezultati i të cilave pritet të dalë në orët në vijim.
Kujtojmë se deri më tani në Shqipëri janë konfirmuar 186 raste me koronavirus, mes tyre edhe 4 fëmijë. Numri i viktimave ka shkuar në 8, ndërsa 31 pacientë kanë arritur të shërohen.
