Numri i të infektuarve me COVID-19 në Serbi është rritur ndjeshëm.
Raportohet se janë konfirmuar 34 raste të reja, duke e çuar numrin total të të prekurve në 222.
Kujtojmë se në Shqipëri numri i rasteve të konfirmuara me koronavirus deri më tani është 89, ndërkohë 5 persona kanë ndërruar jetë.
Si paraqitet situata në Kosovë?
Në Kosovë, numri total i të prekurve ka shkuar në 33 dhe një person ndërroi jetë ditën e djeshme. Viktima ishte 82 vjeç, i lindur në Dumnicë të Podujevës dhe vuante nga sëmundje kronike të zemrës dhe mushkërive.
