Në Gjermani numri i personave të prekur nga koronavirusi është rritur me ritme të shpejta, duke shkuar në 12 662.
Autoritetet e kanë cilësuar rritjen e shpejtë “një alarm” për vendin.
Kujtojmë se deri më tani në Gjermani kanë ndërruar jetë 47 persona nga COVID-19.
Lothar Weiler, Kreu i Institutit Robert Koch të qeverisë gjermane, tha të mërkurën se në total mund të infektohen rreth 10 milion gjermanë, por se numri mund të zvogëlohet ndjeshëm nëse njerëzit zvogëlojnë ndërveprimet sociale.
Ndër vendet më të goditura nga virusi i rrezikshëm ka qenë Italia, e cila pati të mërkurën një nivel alarmant prej 475 vdekjesh nga virusi.
Vendi ka qenë në një shtetrrethim të rreptë për një javë, dhe gazeta “Corriere della Sera” citoi kryeministrin Giuseppe Conte të enjten duke thënë se masat do të shtrihen përtej datës që ishte planifikuar ‘skadimi’ i tyre.
Vende të tjera kanë ndjekur modelin e reagimit të Italisë, Kinës dhe Spanjës, duke u përpjekur t’ua ndalojnë njerëzve aktivitetin e zakonshëm.
