Rritet me 5 lekë për litër çmimi i karburanteve në Shqipëri, duke evidentuar mungesën e kontrollit mbi rezervat e detyruara të karburanteve prej kompanive.
Burime nga ‘Ora News’, bëjnë të ditur se rritja ka ndodhur për shkak të ndryshimeve në bursa, por sipas ekspertëve në rastin kur ka ulje në tregjet ndërkombëtare, në Shqipëri reflektohet me vonesë.
Qytetarët thonë se shpenzimet janë shumë të larta për t’i përballuar, duke e cilësuar si një absurditet.
Detyra për kontrollimin e karburanteve i është ngarkuar Ministrisë së infrastrukturës dhe Energjisë, por mesa duket nuk i kanë kushtuar vëmendje, ndërsa shqiptarët vijojnë ende të paguajnë çmimin më të lartë të naftës në rajon dhe ndër më të lartat në Evropë.
Që prej disa ditësh në të gjitha pikat e tregtimit me pakicë të karburanteve në kryeqytet konstatohet se një litër naftë kushton 176 lekë nga 171 që ishte më parë.
