Po mbahet para Kryeministrisë protesta e nëntë e opozitës së bashkuar,ku kërkohet largimi i Ramës dhe mbajtja e zgjedhjeve të parakohshme.
Ende nuk dihet se sa do të zgjasë kjo protestë, ndërsa qytetarët shprehen të gatshëm të qëndrojnë madje më shumë se 24 orë.
Të pyetur nga gazetarja e Tirana Today, qytetarët premtojnë se do rrinë sa të jetë e nevojshme.
A do të rrini, nëse protesta vijon edhe gjatë natës?
“Do të rrimë sa të jetë nevoja. Jo vetëm gjatë natës, por gjithë javën nqs zgjat protesta. Protestoj për kushtet e mjera, jetoj vetëm me një pension 100 mijë lekë të vjetra, s’më dalin për asgjë”, thotë një nga protestuesit për Tirana Today.
