Kreu i Grupit Parlamentar të PS-së, Taulant Balla, gjatë seancës së ditës së sotme u shpreh se mazhoranca është tërhequr nga votimi i paketës anti-shpifje, pasi do të pritet edhe opinioni i Komisionit të Venecias.
Nga ana tjetër, kreu i Kuvendit Gramoz Ruçi, ka replikuar në seancën e sotme me deputetin Kujtim Gjuzi, pasi ky i fundit i ka kërkuar fjalën në Kuvend. Ai është shprehur ndaj Gjuzit që të mos bëjë xhiro nëpër Tiranë e të pijë kafe, por të jetë prezent në Kuvend.
“Për procedurë ka 4 gjëra, se e merr për procedurë dhe abuzon. Nëse ke gjë për seancën e ditës, për votimin, për gjë tjetër s’ka fjalë. Asaj i ka kaluar radha, mos pi kafe, mos bëj xhiro nëpër Tiranë, por të vije këtu dhe të flasësh. Rri nëpër kafe, s’ka fjalë për ty…”, u shpreh Ruçi.
