Mocioni i mosbesimit ndaj Qeverisë Kurti është votuar me 81 vota pro, 32 kundër dhe 1 abstenim.
Kështu qeveria e Albin Kurtit rrëzohet duke e drejtuar ekzekutivin për vetëm 51 ditë, qeveria më jetëshkurtër ndonjëherë në Kosovë.
Këtë mocion e nisi Lidhja Demokratike e Kosovës, e cila ishte në koalicion me Lëvizjen Vetëvendosje.
Por ky koalicion u prish në momentin kur Kurti vendosi të shkarkonte pa paralajmërim ministrin e Punëve të Brendshme, Agim Veliu.
Sipas Gazetës Express, një tjetër arsye për mocionin ishte edhe rrezikimi i raporteve me SHBA, që sipas LDK-së po ndodhte për faj të Kurtit.
