Zëdhënësja e Komisionit Evropian për çështje të zgjerimit, Ana Pisonero ka komentuar rrëzimin e qeverisë së Kosovës.
Përmes një postimi në Twitter, Pisonero thotë se kjo gjendje do ta çojë Kosovën në një situatë të vështirë në lidhje me masat për përballjen e koronavirusit.
Ajo i bën thirrje liderëve politikë që të veprojnë me përgjegjësi në këtë situatë të vështirë.
“Ajo çfarë i duhet Kosovës është stabilitet dhe përpjekje për të luftuar koronavirusin dhe mbrojtje të shëndetit të qytetarëve. Hapat tjerë pas votës së mosbesimit duhet të jetë në përputhje me Kushtetutën e Kosovës”, tha ajo.
Kuvendi i Kosovës miratoi mbrëmjen e djeshme mocionin e mosbesimit ndaj qeverisë së Albin Kurtit. Ishte Lidhja Demokratike e Kosovës ajo që e inicioi këtë mocion, pasi Kurti shkarkoi ministrin e Brendshëm, Agim Veliu.
