Deputeti i Partisë së Lirisë, Petrit Vasili dhe avokati Genc Gjokutaj, kanë dalë sot në një konferencë për mediat, ku kanë folur për pretendimin e Autoritetit të Dosjeve se Meta ka qenë pjesë e ish-Sigurimit të Shtetit.
Avokati i kryetarit të Partisë së Lirisë, Ilir Meta, Genc Gjokutaj, për kallëzimin e bërë ndaj Autoritetit të Dosjeve, akuzoi prokurorin e çështjes që nuk regjistroi procedim penal lidhur me padinë e depozituar.
Partia e Lirisë, nëpërmjet nënkryetarit të saj, Petrit Vasilit, tha se vendimi është nul dhe është në shkelje të ligjit.
“Për kallëzimin penal nga Prokuroria, nuk është kryer asnjë veprim hetimor se i ka hequr mundësinë vetes për të regjistruar procedimin penal, është mjaftuar me pyetjen e anëtarëve të bordit të Autoritetit që janë të kallëzuar. Në këtë mënyrë, nga pikëpamja ligjore në konkludimin nëse ka vepër penale s’mund të pyesë ata që janë të kallëzuar”.
Gjokutaj tha se prokurori ka shkelur ligjin, pasi nuk ka thirrur të pyesë kreun e PL, Meta, në procedurën paraprake verifikuese.
“Nisja e mbarimit te cështjes, duke pyetur personat që janë në akuzë, është shkelje flagrante ligjit, një proces i parregullt ligjor, një paragjykim. Meta nuk është pyetur e thirrur fare për të dhënë shpjegime.
Prokurori e ka paragjykuar cështjen, që është i urdhëruar për të bërë këtë veprim e unë e them pa frikë. Moskryerja e këtij veprimi është në rastin kur regjistrohet procedimi penal.
Këtu halli më i madh është që hetuesi nuk heton, nuk do të hetojë cështjen. Thirrja e pyetja ishte domosdoshmëri për të shpjeguar arsyet e kallëzimit, të dhënave i qëndronte apo jo, cfarë dokumentesh ka në dispozicion. Janë thelbësore për një proces se në fazën verifikuese duhet të dëgjohen palët. Ky eshte nje skandal, nje ligj famekeq qe duan te bejne per te ngritur nje organ si ai i Sigurimit te Shtetit, se sot jemi ne kushtet kur ata operojne jashte ligjit, duke targetuar persona te vecante”, tha Gjokutaj.
