Policia në Himarë, ka shpëtuar dy persona, të cilët kishin dalë në det për të lundruar me një gomone pa motor.
Për shkak të erës së fortë dhe dallgëve të detit, atyre u është rrezikuar jeta, duke i shtyrë drejt thellësisë në Dhërmi.
Njoftimi i policisë:
“Policia Kufitare u dha ndihmë 2 shtetasve, të cilët rrezikuan jetën në ujërat detare të Dhërmiut. Sot, rreth orës 13:45, pas njoftimit të marrë se 2 persona rrezikonin jetën në det për shkak të erës, menjëherë u organizua puna dhe shërbimet e Policisë Kufitare të Stacionit Policor Dhërmi bënë të mundur shpëtimin e dy pushuesve. Ata kishin dalë me gomonen (pa motorr) për të lundruar, por për shkak të kohës së paqëndrueshme, i kishte shtyrë era e madhe në thellësi të detit”.
