Ende vijon paniku në zonën e Bllokut në Tiranë, përkatësisht në rrugën “Vaso Pasha”, aty ku një shpërthim i fuqishëm gazi lëndoi katër persona. Ndërkohë së fundmi është raportuar se ka rrezik për një tjetër shpërthim në pallatin në ish-Bllok, për shkak se ka ende vatra zjarri.
Për këtë arsye policia ka “blinduar” pallatin dhe nuk lejon asnjë banor të futet brenda. Madje gjithashtu i është ndaluar hyrja në pallat edhe çdo personi civil, për shkak se zona nuk paraqet siguri. Kujtojmë se flakët kanë nisur në një argjendari, në të cilën po kryheshin punime me djegie gazi.
