Nga: Lutfi Dervishi
1-Mos boto foto ose shënime që mund të ketë lënë i ndjeri
2-Mos raporto identitetin
3-Mos raporto detaje specifike ose metodën që ka përdorur
4-Mos nxito t’i biesh shkurt, asnjëherë nuk ka vetëm një arsye
5-Mos e përdor për sensacion.
6-Mos fajëso!
Ja një shembull si mund të raportohet ngjarja pa dhënë detaje:
Pacienti i jep fund jetës
Një pacient 60 vjeçar që po kurohej në spital nga Covid 19, i ka dhënë fund jetës në orët e para të mëngjesit të sotëm në Tiranë.
Pacienti që vuante nga… , nuk kishte shfaqur shenja depresioni – sipas mjekëve.
Të njëjtën pohim bëjnë edhe dy pacientët e tjerë që kanë ndenjur në një dhomë me viktimën.
Hetimi prokurorisë do të përcaktojë shkaqet dhe rrethanat e ngjarjes fatale.
P. S Në rast se vijojmë me lajme sensacion, sërish do të kemi kopjim të metodës së vetëvrasjes.
