30-vjeçarja Margarita Gjoni, e cila u arrestua pasi ka kërcënuar dhe rrahur të dashurën e të fejuarit, është liruar nga burgu. Ajo ka shprehur pendesë për dhunën e ushtruar ndaj saj, dhe kësisoj i është dhënë masa “detyrim paraqitje”.
Sherri mes tyre i publikuar nga vetë Margarita, u bë virale përmes një videoje. Historia e shantazhit mori fund në Shkodër me ndërhyrjen e policisë.
30-vjeçarja Margarita Gjoni u arrestua, pasi publikoi në rrjetet sociale pamjet e dhunës që ushtronte ajo vetë ndaj një 22-vjeçareje, të cilën e akuzonte se kishte pasur marrëdhënie me partnerin e saj.
Në video, viktima një vajze e re, deklaron se ka qenë nën presionin e të riut për të mos treguar ngjarjen. Por kjo histori nuk mbyllet me kaq, pasi në rrjetet sociale u publikuan edhe dy video te tjera. Në një moment tjetër, 22 vjeçarja duket se mbahet serish në një dhome jashtë dëshirës se saj dhe ajo është përballe Margarita Gjonit dhe dy vajzave të tjera. Njëra prej tyre vijon të filmojë. Videoja përfundon në momentin kur Margarita fillon ta godasë 22-vjeçaren, dhe i kërkon shoqes së saj të mos filmojë më.
