Kurba e Covid-19 vijon të mbetet e lartë në Shqipëri, pasi në 24 orët e fundit u regjistruan shifra rekord me 846 të infektuar.
Gjatë ditëve të fundit është shënuar një numër i lartë viktimash dhe të infektuarish, duke shkaktuar dhe mbingarkim në spitalet Covid.
Mëngjesi i kësaj të diele, oborrin e spitalit “Shefqet Ndroqi” (Covid 2), e ka gjetur të mbushur me ambulanca. Pacientët e prekur me Covid-19, presin në ambulanca që të shtrohen në spital.
Deri më tani, janë në dispozicion të pacientëve katër spitale , më i fundit Covid 4 që u hap rreth një javë më parë.
Që nga fillimi i pandemisë, 889 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 42.148.
