Portugezi ishte protagonist në ndeshjen e parë kundër PSG-së me dy gola, të cilët ia bënë më të lehtë sfidën e kthimit në “Parc des Princes”. Real Madrid rrallë herë i lë ndeshjet për ti zgjidhur në momentet e fundit dhe këtë e vërtetoi duke e mposhtur skuadrën parisiene me rezultatin 3-1 në “Santiago Bernabeu”.
Edhe në përballjen e dytë Cristiano Ronaldo dënoi PSG-në. Portugezi kishte shënuar nëntë herë në fazën e grupeve të Ligës së Kampionëve dhe shtoi dy më shumë në ndeshjen e fundit në shtëpi ndaj Unai Emery, shkruan Tirana Today. 
PSG besoi se në ndeshjen e kthimit do të bënte mrekullinë edhe pse humbi shërbimet e yllit brazilian Neymar, pala franceze u bashkua me një mesazh pozitiv: “Së bashku do t’ia dalim”.
Për fat të keq për ta, Madridi gjithashtu besonte në vetvete. Dhe, ndoshta, më shumë. Asnjë prej kërcënimeve para ndeshjes në Paris nga ultrasit, të cilët u përpoqën të mbanin lojtarët e Realit zgjuar me kaosin e krijuar jashtë hotelit ku ata ishin akomoduar.
Real Madridi është 12-herë kampion i Evropës për një arsye dhe ata kanë parë shumë më keq para kësaj. Los Blancos nuk frikësohen lehtësisht dhe mund të thuhet edhe për Ronaldon, i cili ka pranuar se ai lulëzon në vështirësi.
Dhe Zidane, për çudi vendosi të bëjë ndryshime të rëndësishme në formacionin startues, gjë që nuk e kishim parë më herët. Marcos Asensio dhe Lucas Vazquez, që kishin ndihmuar Madridin që të fitonin ndeshjen e parë, ishin në krah të Casemiro dhe Mateo Kovacic,duke lënë në stol mesfushor të fortë si Luka Modric dhe Toni Kroos, së bashku me Isco dhe Gareth Bale, pavarësisht rikuperimit nga dëmtimi, shkruan Tirana Today.
Këto zgjedhje dhanë frytet e veta. Real Madrid ishte përgatitur shumë mirë për të ndaluar vrullin e PSG-së dhe Benzema humbi një shans të artë në fundin e pjesës së parë, pasi vendasit kishin bërë shumë pak.
Përkundër përpjekjeve të tifozëve të tyre të pasionuar, rikthimi i PSG-së kurrë nuk u bë dhe ishte Lucas dhe Asensio që kombinuan për Ronaldon dhe i dha Madridit kryesimin në gjysmën e pjesës së dytë.
Cristiano do ti ndëshkonte sërish pas barazimit. Cristiano Ronaldo po tenton të ruaj më të mirën e tij në Ligën e Kampionëve dhe tani ka 12 gola në Evropë, ndërsa ai gjithashtu u bë lojtari i dytë, (pas Ruud van Nistelrooy në 2002-03) për të shënuar në nëntë ndeshje radhazi në këtë garë.
33-vjeçari ka treguar një formë maksimale në garat europiane këtë sezon, pasi në sezonin që lamë pas ai kishte shënuar në ndeshje mjaft të rëndësishme në fazat e eliminimit kundër Bayern Munich, Atletico dhe në finale kundër Juventusit.
Edinson Cavani barazoi ndeshjen, pothuajse rastësisht topi goditi këmbën e tij dhe shkoi në rrjetë, por atëherë skuadra e Emery ishin duke luajtur me 10 lojtarë, pas kartonit të kuqe të Marco Verratti dhe një rikthim dukej i pamundur.
Në vend që të ndodhte përmbysja, Reali shënoi përsëri një goditje të Casemiros dhe Los Blancos dominonin në 116 vjetorin e tyre për të mbajtur ëndrrat e një triumfi të tretë në Ligën e Kampionëve.
Kështu që ata mund të jenë jashtë Copa del Rey dhe jashtë ritmit në La Liga, por të udhëhequr nga Ronaldo i pangopur, Real mbetet ekipi që duhet mundur në Evropë. PËRSHTATI TIRANA TODAY!
