Pedagogë dhe studentë po protestojnë sërish në Universitetin Bujqësor të Tiranës. Mësohet se kanë bojkotuar mësimin sepse brenda UBT po prishet vreshta ku studentët bëjnë praktikën dhe është planifikuar të ndërtohet një shkollë.
Profesori i Hortikulturës në UBT, në një intervistë të dhënë për Fax news, është shprehur se nuk i është dhënë asnjë njoftimin për këtë situatë. Vreshta është shumë e rëndësishme për praktikën mësimore të studentëve, por Bashkia po përpiqet që në këtë truall të ndërtojë një shkollë, deklaroi profesori.
“Bashkia e Tiranës nuk ka njoftuar askënd. Unë kam qenë student ktu në Ubt, dhe ka qenë një vreshtë, po zhvillohet një politikë otomano-komuniste. As unë as studentët nuk jemi kundër pronës private se dhe mua më kanë uzurpuar dhe i kërkoj shtetit të më kthejë. Të mos preket kampusi Universitar. Nuk jemi kundët ndërtimit të shkollës po ta ndërtojnë pak më tutje”,-tha profesori.
Pedagogu bën thirrje që të gjithë bashkë kolegë e studentë të mbrojnë këtë hapësirë. Policia dhe se janë “Horrat” që po qeverisin këtë shtet që po dalin kundra ligjit, duke frikësuar edhe studentët.
“Horrat që kanë qeverisur se kuptojnë që nuk mund të punojmë pa vreshta.Turp të kenë të gjithë ata që nuk vijnë të protestojnë, turp të kenë studentët që u preket baza didaktike dhe nuk dalin të protestojnë, turp për pedagogët që përfshihen në afera korruptive.
Po terrorizohen studentët nga Policët. Pronarët duhet të kuptojnë që shkon në kundërshtim me interesin publik. Limonat e shtrydhur të politikës ta mësojnë që ka qenë vreshtë didaktikë kjo tokë. Ka qenë një laborator natyror, nuk ka qenë fidanishte. Kolegët duhet të vijnë të protestojnë për një aset kombëtar, për një interes të përgjithshëm”, është shprehur më tej pedagogu.
Një tjëtër pedagog që ka folur për protestën ka qenë dhe profesor Vuksani. Ai është shprehur se ky ndërtim i shkollës në hapësirën ku ndodhet vreshti është në kundërshtim me Master Planin dhe se nuk duhet të ndiqet si praktikë kompensimi i pronarëve të hapësira që janë shkolla apo Universitete.
“Ndërtimi i këtyre godinave e prish funksjonalitetit e Universitetet Bujqësor, se duhet të jetë pjesë didaktike dhe vreshta ku studentët duhet të bëjnë praktikën. I ndan departamentet e Universitetit, është futur si një ishull mes korpusit.
Është miratur nga Këshilla e Ministrave Master Plani i Universitet ky truall është planifikuar të jetë vreshtë, nuk kompensohen pronat të hapsirat Universitare, nuk ka të drejtë policia të frikësojë studentët”, u shpreh më tej Vuksani.
Një student është shprehur se janë penduar qe nuk kanë vazhduar protestën e nisur në fundin e 2018-tës.
“Jemi kundër ndërtimit të shkollës se bie në kundërshtim me ligjin. Ka më tepër policë se studentë. Ka qenë pronë e Universitetit dhe pa të drejtë i ka kaluar Bashkisë. Jemi penduar që kemi ndërprerë protestat, se nuk na është plotësuar asnjë kërkesë. Kemi dëshirë të nisim një protestë tjetër shumë e madhe”, është shprehur studenti.
