Në konferencën e përbashkët për shtyp me presidentin francez Emmanule Macron, kancelaria e Gjermanisë, Angela Merkel u shpreh se duhet të merret një vendim unanim në përcaktimin e hapjes së negociatave për Shqipërinë dhe Maqedoninë e Veriut me Bashkimin Evropian.
“Kemi disa diferenca sa i përket problematikave që janë shfaqur. Ashtu siç e dini, duhet një vendim unanim për çeljen e negociatave”, deklaroi Merkel.
Nga ana tjetër, Macron përshëndeti reformat e ndërmarra nga dy shtetet ballkanike, por sipas tij, fillimisht duhet të reformohet procedura e pranimit.
“Rinia shqiptare vjen më së shumti në BE dhe e shohim më së shumti në Francë. Unë do të ndalesha sërish te rithemelimi i procedurës apo riparja e saj. Po e shpall vizionin tim gjeopolitik në krah të kancelares, por më duhet të shpjegoj edhe këto gjëra të tjera”, theksoi Macron.
