Kreu i Bindjes Demokratike, Astrit Patozi teksa ka folur për aktualitetin politik, theksoi se vendi nuk mund të shkojë në një përplasje civile për karriget e 2 personave.
“Unë besoj se këto 30 vjet kanë qenë të mjaftueshme që të mos shkojmë drejt një përplasje civile për karriget e dy -tre personave. Prandaj mendoj se do kapërcehet. Ne kemi hyrë për të fituar kudo ku marrim pjesë. Përndryshe nuk do kandidonim. Ne mendojmë se Rilindja është në ditë të hallit. Aty ku ne kemi nxjerrë kandidat, mendoj se njerëzit do i përdorin kandidatët tanë si një moment shfryrjeje”, tha Patozi.
Ndër të tjera, Patozi u shpreh se zgjedhjet vendore të 30 qershorit nuk mund të shtyhen vetëm e vetëm se do njëra forcë politike, teksa shtoi se BD do të futet në zgjedhje kurdo që ato të mbahen.
“Zgjedhjet shtyhen kur duan të gjitha palët. Presidenti nuk mund t’i shtyjë zgjedhjet vetëm se do njëra palë. Ne jemi të përgatitur të futemi në zgjedhje dhe do futemi në këtë proces kurdo që të mbahen ato. Ne kemi dashur që në këtë proces të jenë të gjithë aktorët”, deklaroi Patozi në “Repolitix”.
