Deputeti i Lidhjes Demokratike të Kosovës, Besian Mustafa, ka apeluar ndaj qytetarëve që të vaksinohen, pasi çdo ditë e më shumë po shtohen frikshëm rastet me infektime. Duke demostruar përmes shifrave në rritje të infektimeve si pasojë e Covid-19, ai thotë se me gjasë Kosova do shkojë deri karantinimit.
Në 24 orët e fundit kanë rezultuar me koronavirus 562 qytetarë. Nëse vijohet me këtë trend në rritje të infektimeve, Kosova rrezikon izolimin në muajt shtator-tetor. Deputeti Besian Mustafa shpreh më tej shqetësimin se karantinimi do të sillte pasoja fatale në ekonominë e vendit, e madje deri në shkatërrim.
Në mungesë të menaxhimit të situatës, autoritetet në vend do detyrohen që të shtrëngojnë masat, për të frenuar një tjetër valë infektimi.
Situata në Kosovë gjatë ditëve të fundit është rënduar shumë, e ndërsa fluksi i emigrantëve ka ndikuar edhe në këtë situatë. Gjatë 24 orëve të fundit kanë humbur jetën 2 persona dhe janë konfirmuar të infektuar me Covid 562 raste të reja. Nga fillimi i pandemisë e deri më tani numri i të infektuarve me Covid ka shkuar në 110 194 mijë persona, mes të cilëve kanë humbur jetën 2 271 qytetarë.
Statusi
562 raste vetëm sot. Brenda pak ditësh do të arrijë në 1.000 raste në ditë, çdo ditë. 7.000 raste të reja në javë, çdo javë.
Me këtë ritëm, Qeveria do të detyrohet drejt një niveli karantinimi nga shtatori/tetori. Kjo do të jetë dëmtuese për ekonominë, deri në shkatërrim.
Në mungesë menaxhimi, qytetarëve na mbetet vetëm vaksinimi. Ju lutem vaksinohuni!
