Kryeministri i Shqipërisë, Edi Rama ka dhënë një intervistë për “Forbes”, të gazetares Shellie Karabell, ku zbulon pasionet e tij, në politike dhe jashtë saj, duke treguar atë qe do të bëjë në pjesën e tretë të jetës.
Në faqen e tretë të një reportazhi të gjate, ku mes te tjerash, citohet dhe flet edhe vete Rama, gazetarja e Forbes, shkruan për atë që mendohet se do të pasoje kryeministrin në detyrë, kryebashkiaku aktual Erion Veliaj.
Ndërsa po projekton rrugën për Shqipërinë drejt BE-së, Rama po projekton gjithashtu edhe atë që ai e cilëson pjesa e tretë e jetës së tij.
“Rruga e parë ishte arti”, thotë ai duke iu referuar të kaluarës së tij si profesor dhe artist që ka hapur ekspozita në të gjithë botën, përfshirë edhe Nju Jorkun si dhe ka vizatuar pikturat që ndodhen aktualisht në zyrën e tij.
“Tani jam një politikan. Mund ta synoj këtë zyrë për pjesën e mbetur të ditëve të mia, por nuk është kjo ajo që dua. Hyrja në BE do të marrë më shumë kohë nga sa unë dua të shpenzoj në politikë”, pohon ai.
Në të ardhmen, Rama thotë se do te bëjë diçka, me shijen.
Shijen? “Po. Stilin e jetesës, pikturën, skulpturën, industrinë… shijen. Dhe ndoshta diçka në lidhje me gatimin. Më pëlqen të gatuaj”, thotë ai.
Mendimi popullor e sheh kryebashkiakun karizmatik, të mirë-shkolluar dhe multi-linguist i Tiranës Erion Veliaj (i lindur më 1979, në detyrë që prej 2015), si pasuesin e përcaktuar të Ramës që do ta udhëheqë vendin drejt Evropës. Është interesante të vihet re se rruga e Ramës drejt kryeministrisë nisi pikërisht si kryebashkiak i kryeqytetit. TIRANA TODAY
