Ministrja e Shëndetësisë dhe e Mbrojtjes Sociale, Ogerta Manastirliu ka folur në lidhje me masat e marra nga qeveria për frenimin e përhapjes së koronavirusit.
Në një lidhje të drejtpërdrejtë me News24, Manastirliu theksoi se nëse këto masa nuk respektohen nga qytetarët atëherë koronavirusi do të vijojë të përhapet.
Ministrja tha se po bëhet një punë mjaft e madhe në terren për të identifikuar edhe kontaktet e personave të infektuar me koronavirus.
“Raportohet se janë 64 të infektuar, vetëm dje kanë rezultuar 5 raste të reja. Përveç rasteve të importuara, janë dhe raste të kontakteve të ngushta, me problematika respirative, që kanë rezultuar pozitivë. Një punë e madhe po bëhet në terren, pasi duhen gjurmuar gjithë rastet e kontakteve. Pra, ajo që duhet të bëjmë është masat e vetëizolimit, izolimi në tërësi, si masë për ndalimin e përhapjes së COVID-19.
Ne do të rrezikojmë, nëse nuk ndryshojmë sjelljen vetjake, në raport me këshillat që japiMm çdo ditë, që do të thotë distancimi social”, tha ajo.
