India ka tejkaluar Brazilin duke u bërë vendi i dytë më i prekur nga koronavirusi, pas Shteteve të Bashkuara.
Në 24 orët e fundit, India regjistroi mbi 90.000 raste të reja me koronavirus, të cilat e ngritën totalin e tyre në mbi 4.2 milionë.
Për nga numri i viktimave, India është renditur e treta pas SHBA-së dhe Brazilit, me mbi 71.000 të vdekur.
Rritja e numrit të të infektuarve dhe personave që nuk ia dalin dot me COVID-19, vjen në një kohë kur qeveria vazhdon të heqë masat e kufizimit, në përpjekje për të nxitur ekonominë.
