Dyshohet për 7 viktima nga tërmeti që goditi Shqipërinë në orët e para të mëngjesit të sotëm. Në hotelin Vila Palma janë nxjerrë 2 trupa të pajetë. Një vajzë 10-vjeçare është nxjerrë e pajetë nga rrënojat.
Në shumë zona është ndërprerë energjia elektrike, ndërsa forcat e ushtrisë kanë gërmuar në gërmadhat e ndërtesave të shembura, me shpresën për të gjetur të mbijetuar.
Ky ishte tërmeti më i fortë prej dekadash që tronditi Shqipërinë, duke sjellë viktima, të plagosur, dhe dëme të shumta materiale.
