Austria do të futet në izolim kombëtar. Disa ditë pasi Austria vendosi një bllokim për të pavaksinuarit, ajo ka njoftuar një bllokim të plotë kombëtar, duke filluar nga e hëna.
Kancelari Alexander Schallenberg tha se izolimi do të zgjasë maksimumi 20 ditë dhe do të ketë një kërkesë ligjore për t’u vaksinuar nga 1 shkurti 2022. Ai po i përgjigjej numrit rekord të rasteve, dhe një prej niveleve më të ulëta të vaksinimit në Evropën Perëndimore. Shumë vende të tjera evropiane, po vendosin kufizime ndërsa rastet rriten.
“Ne nuk duam një valë të pestë”, tha z. Schallenberg pas takimit me guvernatorët e nëntë provincave të Austrisë, në një vendpushim në perëndim të vendit.
Për një kohë të gjatë, kishte pasur një konsensus mbi shmangien e vaksinimeve të detyrueshme, tha kancelari.
Shifrat e fundit tregojnë një normë incidence prej 9.907 raste për 100.000 njerëz në javën e kaluar, dhe Ministri i Shëndetësisë Wolfgang Mückstein tha se vendosja e një bllokimi ishte “zgjidhja e fundit”.
Sipas masave, austriakëve do t’u kërkohet të punojnë nga shtëpia, dyqanet jo thelbësore do të mbyllen dhe shkollat do të mbeten të hapura për fëmijët që kërkojnë mësim ‘ballë për ballë’. Ato do të vazhdojnë deri më 12 dhjetor, por do të rivlerësohen pas 10 ditësh.
Gjermania fqinje ka parë disa ditë me infeksione rekord këtë javë dhe Ministri i Shëndetësisë Jens Spahn ka folur për “një emergjencë kombëtare që kërkon një përpjekje të kombinuar kombëtare”.
Udhëheqësit gjermanë kanë rënë dakord tashmë të vendosin kufizime për njerëzit e pavaksinuar në zonat me pranime të larta në spital. Dhe parlamenti ka mbështetur kërkesat, që njerëzit të tregojnë leje për Covid në autobusë dhe trena dhe në vendet e punës.
Burimi i lajmit: BBC. Përshtatur nga Tirana Today
