Ambasada Amerikane ka reaguar pas rekomandimit të KE për negociatat me Shqipërinë. Në një deklaratë të shpërndarë në Facebook, Ambasada citon se SHBA mbeten të përkushtuara që të punojnë me partnerët tanë shqiptarë, dhe të BE-së, për të siguruar integrimin me sukses të Shqipërisë në BE.
“Ne mirëpresim rekomandimin e Komisionit Evropian, për hapjen e bisedimeve të anëtarësimit me Shqipërinë dhe konfirmimin e saj se Shqipëria vijon të bëjë përpara në zbatimin e reformave jetike dhe të pakthyeshme.
Shtetet e Bashkuara mbeten të përkushtuara që të punojnë me partnerët tanë shqiptarë dhe të BE-së, për të siguruar integrimin me sukses të Shqipërisë në Bashkimin Europian, përfshirë edhe mbështetjen tonë të plotë për zbatimin në vijim të reformave legjitime dhe kushtetuese gjyqësore”.
