Regjistrohet numri më i lartë i të infektuarve që nga fillimi i pandemisë

Shqipëria regjistron rekord të ri sa i takon numrit të rasteve të reja me Covid-19 në 24 orët e fundit.

Ministria e Shëndetësisë informon se 525 persona rezultuan pozitivë, numri më i lartë brenda periudhës 24 orëshe, që nga fillimi i pandemisë.

Rezultatet e të infektuarve vijnë nga kryerja e 1.967 testeve.

Ndërkohë, është shënuar edhe numri më i lartë i viktimave, pasi 12 qytetarë nuk arritën ta fitonin betejën me virusin.

Aktualisht në 3 spitalet COVID, po trajtohen 360 pacientë.

Rastet sipas shperndarjes gjeografike:

222 raste në Tiranë, 38 në Shkodër, 24 në Durrës, nga 21 raste në Krujë, Vlorë, 20 në Berat, 18 në Kukës, nga 15 raste në Kuçovë, Elbasan, 14 në Librazhd, 11 në Lushnje, nga 10 raste në Korçë, Përmet, Malësi e Madhe, Gramsh, 9 në Pogradec, nga 8 raste në Kurbin, Kavajë, Skrapar, nga 6 raste në Fier, Mat, nga 5 raste në Dibër, Peqin, 4 në Tropojë, nga 2 raste në Lezhë, Sarandë, Bulqizë, 1 në Devoll.

Viktima – Në 24 orët e fundit, kanë humbur jetën 12 qytetarë me Sars-Cov2 pozitiv në spitalet COVID: një 34 vjeçar nga Durrësi, një 66 vjeçar nga Lezha, një 69 vjeçar dhe një 77 vjeçar nga Pogradeci, një 71 vjeçar nga Berati, një 51 vjeçar, një 56 vjeçar, një 69 vjeçar, 75 vjeçar dhe 78 vjeçare nga Tirana, një 67 vjeçar nga Elbasani, një 70 vjeçar nga Korça, me sëmundje bashkëshoqëruese.

Të shtruar në spitale – Aktualisht në 3 spitalet COVID, po trajtohen 360 pacientë, 10 në terapi intensive nga të cilët 2 pacientë janë të intubuar.

Të shëruar – Në 24 orët e fundit janë shëruar 111 qytetarë, duke e çuar numrin e të shëruarve 12,203 që nga fillimi i epidemisë.

COVID-19 – Statistika (9 Nëntor 2020)

Raste të reja ditore 525

Të shëruar ne 24 orë 111

Të shtruar në spitale 360

Humbje jete në 24 orë 2

Testime ditore 1967

Testime totale 141,081

Raste pozitive 24,731

Raste të shëruara 12,203

Raste Aktive 11,555

Humbje jete 559