Dje ishte afati i fundit i përfundimit të Reformës Zgjedhore në Shqipëri, mirëpo Këshilli Politik nuk mundi që të arrinte një marrëveshje.
Palët pritet që të ulen në tryezë edhe ditën e sotme, ndërkohë së fundmi ka ardhur një reagim nga Ambasada e Britanisë së Madhe në Shqipëri.
Përmes një postimi në rrjetin social Twitter, Ambasada i bën thirrje politikanëve që të vendosin popullin shqiptar të parin.
Postimi i plotë: “Këshilli Politik u krijua për të sjellë në #Shqipëri një reformë zgjedhore gjithëpërfshirëse në përputhje me kërkesat e ODIHR-it. Sot është dita për ta vënë popullin e Shqipërisë të parin dhe për të gjetur dakordësinë e nevojshme për të çuar vendin përpara”.
