Presidenti Ilir Meta është shprehur se mezi po pret përmbylljen e reformës zgjedhore. Gjatë fjalës së tij në konferencën për shtyp, Meta tha se do t’i miratonte ndryshimet e kodit zgjedhor.
“Sa i përket Kodit Zgjedhor jam i kënaqur, po ndjek zhvillimet. Ka përparime dhe mezi pres që palët të mbajnë fjalën dhe të përmbyllin me konsensus ndryshimet që kërkohen nga BE në radhë të parë por edhe partnerët e tjerë.
Mezi pres që palët të mbajnë fjalën dhe në 31 maj të përmbyllin me konsensus në këtë tryezë të këshillit politik të gjitha ndryshimet që kërkohen me ngulm nga BE por edhe partnerët e tjerë dhe menjëherë si President do ti firmos ndryshimet sapo të vijnë që të japim një lajm të mirë të paktën nga Tirana, për qytetarët por sidomos për partnerët. Por serioziteti i tyre duhet te verifikohet nga zgjedhjet ne terren”, tha ai.
