Reforma në Drejtësi u rikthye sërish në fokus nga kreu i PD-së Basha, duke folur për ambasadoren amerikane, Yuri Kim. Basha tha mbrëmjen e sotme në “Opinion” se Twitter-i ambasadores amerikane, Yuri Kim, ishte për kryeministrin Edi Rama. Yuri Kim tha pak ditë më parë se Reforma është e e ngadaltë, por është e nevojshme.
“Shpresoj që fjalët për një marrëveshje prapa krahëve për të vrarë Reformën në Drejtësi në Shqipëri, të mos jenë të vërteta. Reforma është e dhimbshme, e ngadaltë & jo perfekte, por është e nevojshme, po bën përparim & duhet të vazhdojë”, deklaroi ambasadorja amerikane në një reagim në Twitter pak ditë më parë.
Lulzim Basha: Edi Rama është njeriu që nxori deputetë e vet dhe tha se do të bëjë ndryshime kushtetuese dhe ligjore, dhe pastaj fshehu dorën siç bën gjithmonë.
Blendi Fevziu: Pra ju mendoni se twitteri-i i ambasadores amerikane i drejtohet kryeministrit të vendit?
Lulzim Basha: Nuk mendoj, unë jam i bindur dhe ia kam shprehur këtë kujtdo që më ka pyetur.
