Një aksionin juridik kundër Polonisë për shkak të reformës kundërthënëse gjyqësore, po ndërmerret nga Bashkimi Evropian. Kritikët e kësaj reforme thonë se i jep Partisë për Ligj dhe Drejtësi në qeveri, ndikim tejet të madh në gjykata.
Në kumtesën e sotme, Komisioni Evropian tha se në fokus të këtij aksioni është legjislacioni, i cili dje është nënshkrua nga presidenti i Polonisë, Andrzej Duda. Ky ligj e lejon ministrin e drejtësisë, i cili është edhe prokuror i përgjithshëm, që t’i emërojë shefat e të gjitha gjykatave më të ulëta.
Megjithatë, zoti Duda i ka kënaqur protestuesit në Poloni duke i paraqitur veto një legjislacioni tjetër kundërthënës me të cilin parashihej që ministri i drejtësisë të ketë të drejtë t’i shkarkojë të gjithë gjyqtarët e Gjykatës Supreme dhe t’i zgjedhë gjyqtarët e tjerë.
Komisioni Evropian tha se po e lanson një “procedurë për shkelje kundër Polonisë, për shkak të mosrespektimit të legjislacionit të BE-së”, lidhur me legjislacionin që e ka nënshkruar presidenti Duda.
