Real Madrid një natë më parë ka përjetuar ditën më të errët në histori, pasi u eliminua nga Champions League edhe pse supozohej që me fitoren ne Holandë kualifikimi ishte hipotekuar. Por Ajax me një përbërje të rinjsh të ndërthurur me eksperiencën kanë treguar se janë një kandidat serioz për të bërë mirë në Champions.
Pas këtij eliminimi të turpshëm situata është bërë kaotike në Madrid, ku i pari që pritet sakrifikohet është trajneri Solari. Por duket se ky kaos ka filluar para se galaktikat të zbresin në fushë. Isco Alarcón dhe Mariano ishin dy lojtarët, që trajneri Santiago Solari i la jashtë skuadrës së tij për ballafaqimin me Ajax, të martën mbrëma, në “Santiago Bernabeu”. Ata vendosën të sistemohen në “Valdebebas”, një natë para sfidës kundër holandezëve. Ata e përjetuan vendimin përjashtues të trajnerit në mënyra shumë të ndryshme.
Ndërsa sulmuesi i majtë i të bardhëve hipi në autobus me skuadrën dhe udhëtoi drejt “Santiago Bernabeu”, edhe pse në rolin e spektatorit, ish-ylli i Malaga-s preferoi të qëndrojë në kompleksin e ekipit. Isco u pa më vonë duke u larguar nga “Valdebebas” me makinë, drejt një destinacioni të panjohur.
Ndërkombëtari spanjoll nuk u ndie mirë që mbeti jashtë 18-shes së të përzgjedhurve për ndeshjen dhe vendosi të largohet me mjetin e vet. Nuk ka shumë logjikë në këtë veprim të Solarit, sepse Isco luajti 15 minuta kundër Barcelonës, ndaj duhej të ishte në mesin e të grumbulluarve për përplasjen me Ajax.
Zemërimi e bëri atë të mos udhëtojë me ekipin drejt stadiumit, as të jetë aty, pavarësisht se Real Madridi luajti gjithçka për gjithçka dhe i humbi të tëra. Ai nuk u pa në dhomën e zhveshjes së të bardhëve, as para dhe as pas disfatës turpëruese 4-1.
