Real Madrid ka zhvilluar një sezon mjaft të dobët dhe ndërhyrja në merkaton e verës do të jetë e paevitueshme. Drejtuesit e klubit mbretëror janë vënë në lëvizje që tani dhe kanë mbyllur marrëveshjen me Eintracht Frankfurtin për transferimin në “Bernabeu” të talentin serb Luka Jovic.
Madrilenëve do t’iu kushtojë plot 60 milionë euro Jovic, i cili cilësohet si nga talentet më të mëdhenj në panoramën e futbollit euopian.
26-vjeçari në këtë sezon ka shënuar 26 gola, i fundit ndaj Chelsea-t në gjysmëfinalen e vajtjes së Europa League. Ai ka dhuruar gjithashtu edhe 7 asiste në 44 ndeshje ku është aktivizuar.
Sipas “As”, një e përditshme pranë Realit të Madridit, tashmë është gjetur gjuha e përbashkët mes dy klubeve. “Bomberi” i ri është gati të firmosë kontratë 6-vjeçare me klubin “merengues”, për t’u vënë nën urdhrat e Zinedine Zidane me nisjen e përgatitjeve për sezonin e ardhshëm.
Buzëqesh edhe Benfica nga kjo lëvizje e 13 herë kampionëve të Europës, pasi klubi luzitan, që zotëron 20% të kartonit të sulmuesit do të përfitojë jo pak por 12 milionë euro nga ky transferim.
