Rastet e reja me COVID-19 në disa zona në Gjermani, ku do të zhvillohen tetë ndeshjet e fundit të Europa League mund të bëjnë që ndeshjet të transferohen në një shtet tjetër.
UEFA zgjodhi Gjermaninë para disa ditësh për të zhvilluar ndeshjet e Ligës së Evropës. Por shpërthimet e reja të koronavirusit në disa pjesë të vendit po shqetësojnë mjaft UEFA-n. Sipas ‘Sport’, Gjermania mund të mos jetë më vendi pritës i këtyre ndeshjeve.
Të gjitha ndeshjet e çerekfinales, gjysmëfinales dhe finales do të luhen ndërmjet datave 10 dhe 21 gusht. Ndeshjet do të luhen në Këln, Duisburg, Dusseldorf dhe Gelsenkirchen.